jeu.

28

juin

2012

Rusizi : Abantu 7 nibo baguye mu mpanuka y’imodoka.

Imana ibahe iruhuko ridashira !
Imana ibahe iruhuko ridashira !

 

Source : Igihe.com

 

Abantu barindwi barimo n’umushoferi wari utwaye imodoka RAA 485 T isanzwe ikora akazi ka Tax voiture, yavaga mu Bugarama yerekeza i Kamembe nibo baguye mu mpanuka y’imodoka.


Mu gitondo cyo kuri uyu wa Kane tariki 28 Kamena 2010 ahagana saa moya na mirongo ine n’itanu nibo ivatiri yagonganye n’ikamyo ifite puraki RAB 825B yari itwawe n’uwitwa Bushenge Emmanuel, yo ikaba yari iturutse i Kamembe yerekeza mu Bugarama, icyakora abari bayirimo babiri bo ntacyo babaye, uretse ko tandiboyi wahungabanye bikomeye, akaba yajyanywe gukurikiranwa mu bitaro bya Gihundwe.

 

Iyi modoka y’ivatiri yavaga mu Bugarama yerekeza i Kamembe, yari itwaye abantu 7, ubwo yagonganaga n’iyo kamyo, abari mu ivatiri bose bahise bapfa, harimo n’umwana w’uruhinja, ugererenyije wari ufite nk’amezi 3 ndetse na nyina.

 

Mu gushaka kumenya, icyaba cyateye iyi mpanuka, abaturage twasanze aho yabereye, batubwiye ko ahanini byatewe n’umuvuduko mwinshi, haba kuri iyo vatiri ndetse no kuri iyo kamyo ; kuko ngo buri wese byashakaga guhunga ibinogo, dore ko bimaze no kuba byinshi kandi binini mu muhanda Kamembe- Bugarama n’ubwo umaze igihe gito ukozwe, bityo ngo uko kubihunga niko kwatumye baza guhurira aheza, iyo kamyo ihita ikandagira iyo vatiri ari nacyo cyatumye ntawe ubasha kurokoka.

 

 

Amakuru twamenye kandi n’uko abo bagenzi bari bayirimo bose uko ari batandatu ngo berekezaga ku bitaro bya Gihundwe aho bari bagiye kwivuza muri gahunda imaze iminsi ihatangijwe yo kuvura abaturage y’Icyumweru cy’Ingabo z’Iguhugu.

 

Ubuyobozi bwa Polisi bwahise butabara, hashakishwa n’uburyo bwo gukurura iyo vatiri kuko yari yinjiye mu ikamyo, ngo habashwe gukurwamo iyo mirambo yarimo.

 

Inkuru twayohererejwe na Jean Pierre Niyibizi Ushinzwe Itangazamakuru mu Karere ka Rusizi